Maxfiylik siyosati
Oxirgi yangilanish: 2026-yil 10-noyabr
Bu siyosat Oqtosh Restoran sayti (oqtoshrestoran.uz) va “Oqtosh Restoran” mobil ilovasidan foydalanganda qanday ma’lumotlar yig‘ilishi, nima uchun ishlatilishi va qanday o‘chirilishini tushuntiradi.
Qanday ma’lumot yig‘amiz
- Telegram ma’lumotlari — kirishda: Telegram ID, ism, foydalanuvchi nomi (@username) va siz o‘zingiz “Raqamni yuborish” tugmasi bilan bergan telefon raqami.
- Buyurtmalar — tanlangan taomlar, miqdor, summa, stol raqami, izoh, buyurtma vaqti va holati.
- Yetkazib berish — faqat yetkazishni tanlaganingizda: xaritada belgilagan joyingiz (koordinatalar), manzil, xonadon, podyezd, qavat, mo‘ljal va telefon raqami. Joylashuv faqat siz “Mening joylashuvim”ni bosganingizda, ruxsatingiz bilan olinadi.
- Shikoyat va takliflar — siz yozgan ism, telefon va matn.
- Yordamchiga savollar — menyu sahifasidagi yordamchiga yozgan savolingiz matni.
- Texnik ma’lumot — kirgan holatingizni saqlash uchun cookie (sessiya) va savatni eslab qolish uchun brauzer xotirasi.
Biz to‘lov kartasi ma’lumotlarini yig‘maymiz — to‘lov restoranda yoki kuryerga qilinadi.
Nima uchun ishlatamiz
- Buyurtmani qabul qilish, tayyorlash, stolga yoki manzilingizga yetkazish.
- Buyurtma holati va kirish kodini Telegram orqali yuborish.
- Ofitsiant, kassir va kuryer bilan bog‘lanish (masalan, kuryer manzilni topolmasa qo‘ng‘iroq qilishi).
- Shikoyat va takliflarni ko‘rib chiqish, xizmat sifatini yaxshilash.
Ma’lumotlaringizni sotmaymiz va reklama uchun ishlatmaymiz.
Kimlar bilan ulashiladi
- Restoran xodimlari — buyurtmani bajarish uchun zarur qismi (ism, stol, telefon, yetkazish manzili).
- Mison — restoranning kassa tizimi: buyurtma tarkibi, stol, yetkazishda manzil va telefon.
- Telegram — kirish kodi va bildirishnomalarni yuborish uchun.
- Google Firebase — ma’lumotlar saqlanadigan baza; Netlify — sayt joylashgan xosting.
- Groq — menyu yordamchisi: faqat siz yozgan savol matni yuboriladi. Savolga shaxsiy ma’lumot yozmang.
- OpenStreetMap — yetkazishda xarita ko‘rsatish uchun (xarita rasmlari ularning serveridan yuklanadi).
Qancha saqlanadi
Hisobingiz va buyurtmalaringiz hisobni o‘chirmaguningizcha saqlanadi. Hisobni o‘chirsangiz, ismingiz, telefon raqamingiz, Telegram ma’lumotlaringiz va yetkazish manzillaringiz o‘chiriladi. Buyurtma summalari va tarkibi restoran hisob-kitobi uchun nomsiz holda qoladi va sizga bog‘lanmaydi.
Hisobni va ma’lumotlarni o‘chirish
Ilovada yoki saytda: Buyurtma → Profil → “Hisobni o‘chirish”. Ilovasiz ham qilish mumkin: hisobni o‘chirish sahifasi.
Bolalar
Xizmat 13 yoshdan kichik bolalarga mo‘ljallanmagan va biz ulardan ataylab ma’lumot yig‘maymiz.
Xavfsizlik
Ma’lumotlar shifrlangan ulanish (HTTPS) orqali uzatiladi. Bazaga faqat restoran serveri kira oladi; brauzerdan to‘g‘ridan-to‘g‘ri kirish yopiq.
O‘zgarishlar va aloqa
Siyosat o‘zgarsa, shu sahifada yangilanish sanasi bilan e’lon qilinadi. Savollar uchun: shikoyat va takliflar shakli yoki telefon: .